أحدث الصور
من طرف محمد زيدان السبت 31 يوليو 2010, 2:18 amالسلام عليكم ورحمة الله وبركاته
خاتمه مشرفه لهذا العام لنشاط مبادره لمسة خير بنها
بفضل الله نتيجه تقييم المبادرات هيى بحصولنا على المركز الاول
يلينا فى المركز التانى مبادره ميرف والمركز الثالث سيف
والمركز الرابع جلوبل
بجد دا انجاز كبير جدا للمسة خير وكل أعضائها
الحمد لله كانت سنه طويله جدا من الكفاح مع لمسة خير
سواء جوا الجامعه مع حملات التوعيه وزيارات الكليات
والكورسات المجانيه وترميم بعض مساجد الجامعه
وحمله قطره دم تساوى حياه ومساعده الطلاب فى اى مشاكل
واجهتهم حتى ولو كان بالكلمة الطيبه
والحفلات الخيريه داخل الجامعه والمشاركه فى كل المحافل والانشطه
مع اتحاد الجامعه على سبيل المثال الاسبوع الاقليمى والاسبوع الثقافى
وايضا اجتماعات رئيس الجامعه ونائب رئيس الجامعه
وايضا ورش عمل المبادرات والمشكله السكانيه بالمحافظه
كمان بره الجامعه ودا اساس لمسة خير جوا مدينه بنها
والمحافظه من زيارات الايتام والمسنين
وجمعيه الاراده ومستشفى الاطفال والحضانه الايوائيه
والتفاعل معاهم فى كل حفلاتهم وانشطتهم
طبعا كان بينظم دا اجتماعات دوريه بيكون فيها تقارير
واستبيانات وكل دا
الحمد لله كانت سنه جميله واجمل ما فيها اننا قدرنا نسعد الناس معاانا
وان شاء الله كل تفاصيل لمسة خير طول العام موجوده على الموقع
وخصوصا فى قسم اخبار يومنا
وكله موثق بالصور والفيديوهات ..
الحمد لله رب العالمين ..وكل الى بنتمناه من ربنا
اننا نكمل زى ما احنا وافضل السنه الجايه
باذن الله هيكون فى احتفال قريب معزوم فيه كل الاعضاء
وكمان رحلة مجانيه بمشيئة الله
الف مبروك لكل حد كان شايل وحب اسم لمسة خير وكل حد ساعد
حتى ولو بمجرد كلمة ربنا يوفقكم ويعينكم
مبــــارك لمسة خير المركز الأول على مستوى المبادرات بجامعه بنها
