أحدث الصور
من طرف محمد زيدان الأربعاء 01 ديسمبر 2010, 3:45 amالسلام عليكم ورحمة الله وبركاته
يوم جميل وخير مع أعضاء لمسة خير
اليوم ان شاء الله بمستشفى سرطان الأطفال 57357
ان شاء الله هيكون اليوم عباره عن حفل
هيكون فى الحفل فقرات كتيره زى
فقره الساحر
فقره الأرجوز
فقره مقلد الشخصيات والممثلين
بالاضافه الى وجود ألعاب كتير
كمان هيكون معانا ماسكات من الى بيحبها الاطفال
عشان تتنطط وتلعب معاهم طول اليوم
ان شاء الله كمان هيكون فى اليوم دا
جزء ترفيهى كتكريم لكل أعضاء لمسة خير
الى بذلوا كتير من مجهودهم ووقتهم فى نشاطها الخيرى
هيكون عباره عن زياره للقلعه صلاح الدين
وكمان حديقة الأزهر
ان شاء الله المشتركين فى اليوم 50 عضو
لكن للأسف لظروف خارجه عن اراتنا
هيدخل الحفل بس 30
وهنضطر ان ال 20 الباقيين يكون يومهم
كله ترفيهى
ان شاء الله فى اجتماع يوم الاربع
الساعه 3عصرا بكليه العلوم مدرج 2
هنرتب فيها فقرات الحفل
وهنشوف ايه التجهيزات الى هنشتريها والمشاريب والوجبات
كمان هنتفق على ال 30عضو الى هيدخلوا الحفلة
فى انتظاركم
وجزاكم الله كل خير
