أحدث الصور
من طرف محمد زيدان الأربعاء 21 أبريل 2010, 5:56 amالسلام عليكم ورحمة الله تعالى وبركاته
هحكيلكم على موقف من مواقف كتير جدا
للشباب او البنات الى ادمنوا سماع الاغانى
وبخلاف انها محرمة باجماع من علماء الامه وانها بتميت القلب
وكلام كتير جدا لا جدال فيه
هحكيلكم على موقف انا شفته بنفسى امبارح
كنت مسافر من البلد وراجع بنها الساعه 11بالليل
وواقف على السريع عند بلداسمها شبلنجه
فى منتصف المسافه بين بنها ومنيا القمح
كان فى عربيه سزوكى جايه من بنها بتوصل ناس ورجعت فيها
وفى الطريق السواق بيقول انه شاف حادثه رهيبه
لعربيه ميكروباص اتقلبت حوالى تلات مرات وخبطت فى الحاحز
الى بين الطريقين وزحفت لاكتر من 500 كتر على ظهرا قدامه
وبالفعل فى الطريق عدينا على العربيه وكان فى اكتر من عربيه اسعاف
وفعلا منظر العربيه يقول انه لا يمكن يكون شخص خرج منها حى
بس لما سألنا قالوا انه مفيش حد اتوفى ..
وبعدها بشويه ركب معانا شخص متدين وملتحى
وقال انه كان فى الميكروباص الى لسه عامل حادثه
وان مفيش اى شخص حصله حاجه سبحان ربى العظيم ..
بعد ما نزلنا اتمشيت معاه وكنت بطمن انه بخير وهيقدر يروح
واحنا بنتمشى حكالى الى حصل وازاى حصلت الحادثه
ركبوا الميكروباص من منيا القمح وكان رايح لعبود
واول ما اتحركوا شغل الشواق اغانى بصوت عاااااالى
فطلب منه الشيخ انه يطفيه بدل ما يشغل قرآن ويجبره انه يطفى
الاغانى ويسمع القران ..وانه يطفى الاغانى ومش شرط يشغل حاجه ..
لكن السواق مرضيش وطلب منه الشيخ انه ينزله وحتى يديله الاجره
فالناس ضغطت على السواق وطفاه فعلا
وقبـــل الحادثه بدقيقتين بالظبط شغلها تانى
ويدوب بدء الجدل وانه يهدى الصوت من تانى
ظهرت قدام السواق حاجه غريبه على جنب الطريق
الشيخ وكل الى فى العربيه اتفاجؤا بيها
ولما حاول انه يتفاداها العربيه اتقلبت بيهم
وسبحان الله يطلع السواق سلم عشان يتعظ من موقف زى دا
وربنا يديله درس هيكلفه حوالى 40 الف جنيه عشان يصلح العربيه
على هامش الموضوع دا
"" بيقول الشيخ انه فى لحظات الموت فعلا النطق بالشهاده
مش اى حد يقدر عليها بسهوله غير الى ربنا بيكون مثبته عليها ""
يا رب كلنا شباب وبنات نتعظ ونلحق نفسنا قبل فوات الاوان
ويا رب نبطل ادمان الاغانى وحتى ممكن نستبدلها واحده واحده
باناشيد وبعدين قرآن
وربنا يهديى شباب وبنات الاسلام جميعا
